“东张女神”何沛珈与“星三代”阮浩棕绯闻始于两年前合作剧集《异空感应》时擦出爱火。尽管两人从未公开承认恋情，但这段关系在圈中已是半公开的秘密。然而，最近惊传分手，结束了长达两年的地下情，女方近日受访时亦亲口证实已回复单身半年，并透露两人“依然系好朋友”。

今日（5/1）何沛珈与阮浩棕齐齐现身尖沙咀出席活动，阮浩棕接受《香港01》访问时表示：“其实我哋系好朋友嚟，而家都系好朋友嚟。（系咪因为‘禁爱令’？）我睇报道有讲，可能大家会谂TVB有禁爱令，但我就觉得喺公司嘅立场系我哋工作表现系点样，对我同佢最重要嘅系工作系点样。而公司有冇禁爱令我就觉得系冇呢样嘢，而我觉得公司同我哋都想专注喺自己嘅发展。”

被问到谈恋爱是否会令人分心无法专心工作？何沛珈接着说：“其实我觉得每一段关系都会令你明白啲乜嘢，又会令你学会啲乜嘢。甚至乎可能经历咗一段关系之后，会令到你可能喺演戏上会有其他嘅得着，咁但系我自己嚟讲，我就其实我将工作同爱情我就觉得分得好开嘅。”

何沛珈又指做演艺圈工作时间不稳定，如果真正拍拖，双方需要互相迁就：“我又觉得如果真系揾到另一半嘅话，其实所有关系都系要磨合嘅，即系并唔系话咁每个人都冇人系完美嘅，即系你完全你唔会揾到一个100%、完全可以配合到你嘅人，其实每段关系要磨合，咁如果真系好爱𠮶个人嘅话，其实我又觉得时间都唔系一个问题，咁当然啦，我觉得我哋呢一行比较好唔稳定。”