歌手兼摄影师颜米羔今日（25/9）举行其全新宠物摄影店《宠宠友赏》的开幕典礼，多位圈中好友特别到场支持，场面相当热闹。颜米羔在接受《香港01》访问时，分享了自己筹备创业的心路历程。

拒绝巨型studio营造温馨“家”氛围　减少宠物紧张

颜米羔透露经营这个摄影棚是经过半年的准备，并表示自己一直对摄影保持热情，但不想经营太大型的摄影棚：“其实摄影我搞咗好多年啦，以前都有开过studio影相。但我觉得唔想太巨型嘅嘢，因为第一贵啦，第二系我觉得宠物影相，地方太大的话佢哋会好惊、会好陌生，反而系想close啲、近啲，细细地似屋企嘅感觉，等佢哋适应好啲。”

笑言“影人好累” 听好友建议转换赛道将兴趣变事业

谈到为何选择宠物摄影而非传统人像摄影，颜米羔笑言：“有时唔使演出或者录歌𠮶阵，我都系会攞住相机去周围影。啲朋友就话：‘颜米羔你咁钟意影相，不如开返studio啦！’但我又唔想影人，影人好累呀！咁佢哋就话：‘咁你影宠物啰，你平时都会影自己啲猫猫。’我谂谂又觉得可以㖞！我又叫啲朋友一齐搞，佢哋又话好，咁就开始咗啦。”

融入宠物行为心理学　亲力亲为打造“有温度”的摄影过程

他更补充，拍摄过程特别结合了宠物行为心理学：“我想个摄影过程系有意义嘅，所以揾咗个宠物行为心理学嘅拍档，想喺摄影过程入面可以令‘主子’都有嘢带走，唔只系带走张相。因为好多时候主人可能会过分控制或者放纵，其实可以点沟通呢？喺过程入面等佢了解多少少，日后可以自己留意。”被问到投资金额，他直言许多细节都亲力亲为：“冇咩点样投资唔投资，好多嘢亲力亲为，我自己去量位、自己订，亲力亲为整件事我觉得有温度啲。”

痛心单车女遭狗袭击悲剧 颜米羔直言：放养根本就系弃养！

此外，谈及早前（9月20日凌晨）一名27岁女子在元朗壆围南路骑单车时，疑遭狗群追赶袭击致死的悲剧事件 ，颜米羔对此感到相当痛心：“好痛心，首先我觉得动物系无辜嘅。佢哋系流浪狗，无人会‘放养’，一系就弃养啫！‘放养’自己只宠物喺街呢个字眼我好难理解，呢啲根本系叫弃养！成件事好可惜、好唔开心。”颜米羔认为将动物任由在街上游荡，本质上已失去照料责任，无异于弃养行为。他亦呼吁宠物主人要负责任：“主人都系要教狗，动物系无辜，人系可以沟通、有语言能力，所以主人系要有责任去同自己嘅宠物沟通。”