与朋友出国旅游，食饭消费如何计数往往最考验友情。近日有网民在连登讨论区发帖，指与3名朋友同去东京8天自由行，出发前因同行友人一句“出嚟玩唔好计较”，决定采“今餐你、下餐我”轮流埋单的方式。岂料到第3天，楼主计算下来，发现自己已惨蚀逾万日圆（约550港元），无奈求助网民如何“追数”，而其帖文更引出疑似同行友人现身留言反击！

轮流埋单不公平！Day3已惨蚀逾万円

有网民在连登讨论区以“旅行唔夹公数，今餐你下餐我，斗智斗力咁，好X刺激呀”为题发帖，透露一行4人展开8天东京之旅。他表示出发前原本建议“夹公数”，惟其中1位友人极力反对，认为“𠮶鸡碎咁多钱，今餐我下餐你咪得啰，出嚟玩唔好计较咁多啦”。

楼主随后列出头3天的饮食消费清单：

第1日晚餐：新宿居酒屋，刺身烧鸟加酒，大概2万2（约1,077港元）。
第2日早餐：便利店，大概2千（约97港元）。
第2日午餐：拉面，大概6千（约293港元）。
第2日下午茶：甜品，大概3千5（约171港元）。
第2日晚餐：烧肉加酒，大概2万5（约1224港元）。
第3日早餐：便利店，大概2千（约97港元）。
第3日午餐：定食店，大概7千（约342港元）。

由于楼主刚好负责埋单价格较昂贵的烧肉与居酒屋，其他人则负责平价的便利店或拉面，导致他在第3天算帐时，发现自己已“负数11,340日圆”（约555港元），因而大感不爽，于是向网民请教“点样追数”。

网民怒批团友：摆明揾著数

帖文曝光后引发大批网民热议，不少人直指“今餐你、下餐我”根本是陷阱，痛批不愿夹公数的朋友“摆明啲度缩X揾你著数”。有网民狠批同行友人利用“出嚟玩唔好计较”进行道德绑架，甚至质疑：“除咗居酒屋，其他店点解唔可以各畀各？”更有留言提醒楼主，既然“一齐去旅行都唔敢直接讲，你预咗收唔返”，劝他认清“人性丑恶好难顶”，大不了“讲唔掂咪自己行”，直指这种朋友“返到香港唔使再见”。

疑同行友人现身爆料反击

就在网民热烈讨论之际，留言区竟出现疑似楼主同行的朋友反击，指责楼主将私下冲突摆上网，更踢爆楼主行程中的不当行为：

“X你，我都feel到你唔顺，估唔到你真系上嚟开post，你之后几日唔好同我哋讲嘢啦”

“大家识咗咁多年难得夹时间去旅行，少少嘢就摆上连登。嚟紧呢几日你唔使比，我哋几个share晒，你满意未？”

“讲起就嬲，早两日特登就你一条友去台场（或称御台场，原本指放置砲台的场地，现在则是日本东京湾内一座集结购物与娱乐的大型人工岛），叫我哋特登陪你过去睇一睇嘢，我哋其实都冇特别嘢要去买，几条友特登晏昼陪你过去，最后你仲要系去到冇嘢买，ＸX晒大家啲时间！”

网民教路最公平做法

至于如何追数止损，网民亦各出奇谋教路反击，有人提议“以毒攻毒”：

“Book最贵嘅Omakase啦，唔系要教啊嘛？”

“不如叫店员抽卡畀”

“咪话唔见咗银包啰”

不过更多人认为当务之急是“清咗旧数先”，建议楼主立刻将帐单转成港币叫大家即时PayMe过数，之后的行程“唔夹自己畀自己啦，唔X反抗抵你畀人恰”。

亦有网民传授较公平的做法：

“第一日就应该每人拎一旧钱出嚟，点解唔用公数，一个袋钱埋单，另一个记数”

“其实团餐后即时计即时过数最好，你话烦都系咁话，话烦𠮶D100%揾著数”

“我同frd通常睇吓边个咁啱够cash够散纸就边个畀，keep单。跟手即晚埋返数，埋唔到就mark返听日再算”

有网民感叹朋友出游还是即场AA或“夹公数”最保险，否则坏了旅游兴致之余，甚至连多年友情亦付诸流水。