网上购买二手物品要小心风险！有养猫人士于网上发文表示，有男子于二手交易平台Carousell称卖猫粮，但内里竟是腐烂垃圾，楼主一拆开包装，一股腐臭味立即涌出，仔细察看发现内有疑似用过的卫生巾、垃圾袋、吃完的罐头残渣等等，全部黏在一起。她于垃圾房边拍照边呻“反胃到想呕”，直言事件“恶心”和“恐怖”，并已就事件报警。

该养猫人士于Threads发文表示，因家中猫粮已用完，宠物店购买需要等货，她心急下在Carousell购入，“买咗包顶住先，之前都试过咁做，正常系全新未开封，所以今次都冇太多戒心”，而男卖家开价比网店便宜数十元，原本想要求顺丰收件，但对方坚持面交，当时早上她赶着去上班，交收完未有检查就匆匆离开。

Carousell男卖家将腐烂垃圾当猫粮卖

楼主说，她回家一拆开包装，“一阵腐臭味即刻冲上嚟。一睇，居然系一袋腐烂垃圾：疑似用过嘅M巾、垃圾袋、食完嘅罐头……全部黐埋一齐。我即刻冲去垃圾房处理，一边影相一边反胃到想呕”，形容“臭过排泄物”。

楼主拆包装：一阵腐臭味即刻冲上嚟

楼主表示，之后翻看卖家照片，“先发现佢后面有影到封口开咗，而我当时心急冇睇到。即使系咁，我点都唔会谂到入面系垃圾，仲要系‘腐坏到爆’𠮶种”，她不断联络卖家，但对方再没有回复，“如果佢系有心咁做，只可以用‘恶心’同‘恐怖’去形容”，又说“搞笑嘅系睇返cap图，原来我仲过少咗$5畀佢”。

楼主以自身经历奉劝网民，“面交一定要检查，唔好再喺网上买开过封嘅食物，唔好贪方便/平冒险，永远唔知对面系乜人，或者入面有乜，以后我会乖乖返宠物店买粮”。

楼主已报警　警方建议报海关

有网民吁楼主报警，“哗大癫！190蚊卖垃圾畀人！你有出价，照畀一星佢，就算佢唔接受，个负评会喺14天后自动出现，即刻同Carousell举报ac，佢再唔覆你就报警，sd埋证明畀Carousell”、“其实你要报警，虽然只系$190，但警方可以揾到佢出嚟㗎，你唔好姑息呢啲X街呀”。

楼主回复网民留言说已报警，“警方表示因为我已经收到货，所以唔涉及诈骗，建议我揾海关，因为对方违反《商品说明条例》”。

有网民表示，“好X癫，佢仲要坚持面交，楼主你要唔要揾个师傅睇睇保平安，都唔知系咪啲过衰运仪式嚟”、“我觉得佢系想见证你打开𠮶下，所以坚持面交，点知你冇check”、“啲人真系cxs，百X几蚊都要呃”、“应该系心理变态”、“条友应该反社会”、“黐线好核突呀！条友应该黐线㗎㖞，以后交收一定要check清楚”。