港人北上热潮下，香港饮食业近年经营环境困难，遇上“西客”更是百上加斤。本港社交平台Threads疯传影片，指某人气牛腩食店有男子点了3碗“坑腩”外卖，讵料食完一整碗后，男子竟返回食店投诉货不对办，斥责“畀咩垃圾我？”。即使女店员多番解释确实是“坑腩”，又提议更换，惟男子坚持大闹不愿离开，最终女店员无奈退钱，男子接过现金后态度大变，即时转身离开。目击者不满男子举动，感叹：“而家系咪大声就可以食免费餐？”

事件引来网民热议，纷纷批评男子离谱，“西客新境界”、“影衰香港人”、“食嘢就要畀钱。个个学你咁仲使做生意嘅”、“食X完又要拎返钱，食相肉酸啲”。也有网民建议报警处理，“欺诈罪？”、“阿姐下次应付唔嚟揾厨房帮手啦！再搞唔掂报警，千祈唔好怕事！”。

“今时今日香港到底发生咩事？”有食客于Threads发布多段影片，显示某人气牛腩食店有男子吃完整碗“坑腩”后投诉货不对办，逼令食店退款，“呢位客人嗌咗3碗坑腩，返嚟舖头嘈交话‘畀咩垃圾我？’舖头姐姐都好好声话呢个真系坑腩，最后闹得太犀利，食客又唔愿意转其他部位，姐姐退钱畀佢先发现佢已经食咗成碗”。

男子吃完整碗牛坑腩后投诉货不对办：畀咩垃圾我？　店员无奈退款

第1段影片见到，穿白衣男子正在食店收银台位置质问女店员，女店员表示“坑腩嚟㗎”，男子即说“你自己试下系咪坑腩！”。女店员重申是“坑腩”，惟男子不接收，威胁“我跑上……唔使时间㗎”，女店员无奈表示“我退返钱畀你啊”，男子则呛道“讲嘢都好啲吖嘛！啹啲吖嘛条气（条气顺啲）”。

男子取得退款现金即离开

第2段片见到，有另1名女店员与男子理论，男子表示“咁我咪讲咗畀妳听啰！”，女店员回应“咁咪系啰，咁我咪讲你听呢个系坑腩啰”。男子不满反呛“呢个系坑腩啊？畀妳试下！呢个系（坑）腩？”，女店员即说“你头先打嚟，我哋即刻试晒喇已经”。最终男子接过退款的现金后，即时转身离开，留下1句“系咁”。

目击者叹：系咪大声就可以食免费餐？

楼主补充，“佢（男子）未入到门已经开始大声嘈，又甩门，又甩餐，不停用手指住姐姐，好像随时要打人咁，其他餐厅食客都被佢吓亲”，感叹：“而家系咪大声就可以食免费餐？”

网民批影衰香港人：新骗案食霸王餐？

网民看过影片纷纷批评男子“极品西客”，“新骗案食霸王餐？”、“食嘢就要畀钱。个个学你咁仲使做生意嘅”、“见佢一达到目的，拎到钱，就即刻闪走，好可疑”、“其实食第1嚿都知啦，食晒成碗先讲，有点儿……”、“净系食咗成碗已经唔使理佢啦”、“唔啱食咪食1次，下次唔好食啰，食完又要拎返钱，食相肉酸啲”、“哗食咗成碗都可以退钱呀？呢个大哥真系恶X到呀？而家香港人都咁X无赖呀？你未食过退畀人就话啫”、“影衰香港人”。

质疑“欺诈罪”喻报警

也有网民建议报警处理，“其实系咪可以报警处理，欺诈罪”、“阿姐下次应付唔嚟揾厨房帮手啦！再搞唔掂报警，千祈唔好怕事”、“唔应该退钱畀佢，食晒先话唔系坑腩，退得1次有第2次，最好报警处理”。另有自称曾任职服务业的网民直言，“做过服务业接触过全球客人，觉得最得人惊嘅系香港客人”。

“欺诈”罪成可监禁14年

如果涉及“欺诈”，根据《香港法例》第210章《盗窃罪条例》第16A条“欺诈罪”，任何人以欺骗手段不诚实地图利或导致他人蒙受损失，一经定罪，最高可被判处监禁14年。

（Threads@haoganga_daily）

睇多啲：上水阿伯大闹KFC！嫌难食想报警:唔X食得

【KFC肯德基／服务业】嫌餐点难食就责骂职员？本港Facebook群组疯传影片，上水KFC分店有阿伯疑因不满食物质素，爆粗责骂柜台女职员“你𠮶啲唔X食得！我点同你食啊！”，女职员耐心回应“有乜问题？”，并建议阿伯选购另一餐点，惟阿伯继续发难，女职员于是反驳，“大把餐你食唔啱你食咩！你一句唔啱你食，我咪做到死！”。阿伯怒气更盛，表示要报警，“等差佬嚟讲啦。X你老X”，女职员则回应“唔紧要，有CCTV（闭路电视）㗎，我唔使惊㗎”。影片最后阿伯在店内徘徊，其间多次“爆粗”。

影片引来网民哗然，不少人批评阿伯离谱“西客”，“又闹事！”、“扰乱秩序”。也有网民赞女职员“做得好”，“讲得好！”、“揾食艰难！为什么要受到这样的对待！有钱就是最恶？”。