食物藏有瓦仔碎片，若不小心吞下肚，后果可大可小。有食客于网上发文表示，在观塘三布目1间日本连锁牛丼餐厅进食山药牛肉饭时，食到瓦仔碎片，他要求侍应帮忙更换新一碗饭，讵料经理“劲串”问“使唔使睇医生啊？”、“使唔使帮你call白车？”、“记得拎返张医生纸返嚟claim钱，公司会畀返钱你 ”，令他对用餐体验感不快。

网民批评，“呢啲经理又系onX，假设事主好声好气，个经理帮大集团打份工，使乜帮公司悭，即刻换个饭，送多1盘牛肉、小食咪大家开心，喺到讲埋啲西嘢做咩，不知所谓”，又建议楼主报食环，“对方臭串，就应该揿住个碟即场报食环”。不过也有网民认为，“单睇楼主描述，冇片，似系SOP（标准作业程序）。至于究竟系个经理真系好寸，定楼主太敏感呢，呢个就罗生门喇”。

《香港01》已就事件向涉事餐厅查询，正等候回复。

该食客于Threads发文讲述事件，无奈问“我换过兜饭嘅要求都唔系好过分啫？”。照片见到食指上有1粒疑是瓦仔碎片的白色颗粒。

牛肉饭藏瓦仔碎片　要求换饭经理态度寸

楼主表示，他要求侍应更换新一碗饭，没想到经理反问“使唔使睇医生啊？”、“使唔使帮你call白车？”、“记得拎返张医生纸返嚟claim钱，公司会畀返钱你 ”。楼主不满餐厅经理服务态度，批评“自己做错嘢都恶过你，难怪香港饮食已死”。

网民：完美示范如何打烂自己只饭碗

网民指斥经理，“咩培训都冇系咁㗎啦，明显条友反驳型人格发作，寸完人仲以为帮公司做到嘢/自己喺手下面前保持到自己经理嘅权威之类”、“其实道歉换过就通常冇嘢，做饮食业呢啲都忍唔到？”、“完美示范如何用1只烂碗，打烂自己只饭碗”。

有网民批评香港饮食业服务态度，“做餐饮嘅人成日都好狗眼看人低，香港虽然真系多西客搲着数，但唔好下下未了解成件事边个啱边个错就当人哋西客搲着数先得，不断西X你，系咁抛紧你，打工就当自己系老板上身，赔多碗饭就要执笠？所以北上唔系无原因”。

网民吁报食环：拎个袋仔包起佢

有网民认为楼主应即场报食环，“即刻覆佢，要拎个袋仔包起佢报食环”、“竟然冇即场call白车搞大佢，真系太好人喇”，又说“帮你推，经济唔好，希望位经理让番份工出嚟畀其他配得上嘅人”、“咁就如佢所愿送佢一程啦”。不过也有网民认为，“你有冇谂过其实佢（经理）系认真？只不过表达能力有问题”。

有网民分享经历，“试过喺餐厅食到玻璃碎，同职员反映后，餐厅free咗成餐+送甜品，而且有承认返系厨房问题，负责人主动留返联络电话跟进。对方态度咁差，你绝对有权投诉”。

（Threads@momomomomomowong）

其他报道：3大妈自携榴梿到酒楼开餐！传出浓烈气味　食客投诉闻侍应1句更嬲

香港许多食肆都禁止客人携带外食入内，但不时有人违规。有网民在社交平台公审，指在观塘某酒楼用餐时，突然闻到浓烈的榴梿味，揭发有3名大妈自携榴梿到酒楼，并放在餐桌上享用。有同场食客向侍应反映，对方未有制止更反问客人“你唔钟意咩？”食客只好向经理投诉，可惜经理制止时她已用餐完毕。

网民纷纷批评大妈行为懒理他人感受，“明知呢啲咁大味嘅嘢食就咪鬼喺街食啦”、“啲自私X系唔明唔钟意食榴梿嘅人会觉得臭”，对侍应态度亦揶揄“原来呢间酒楼可以被人当food court咁用，早响啦，有时喺街外食饭盒热Q死”。

大妈们酒楼叹榴梿！　传出浓烈气味惹食客不满

该食客在threads发帖，指日前到观塘apm商场内某酒楼吃晚饭，途中全场突然充斥着浓烈的榴梿味，引来不少食客四周张望查找气味源头，发现原来有3名大妈自携榴梿到酒楼享用。从楼主拍摄相片可见，大妈们疑似直接将榴梿放在餐台上，然后用筷子夹起榴梿，浓烈气味引来后方1名女食客注视，台上还摆放2杯疑似自带饮品。

食客向侍应反映　竟获回复：冇所谓啦

楼主续称，当时有食客难以忍受气味，于是向侍应反映，竟获回复“冇所谓啦，你唔钟意咩？”对方闻言甚为不满，再向经理投诉。惟经理上前要求3名大妈勿再在酒楼范围吃榴梿时，她们经已用餐完毕，而3人离开时则引来附近食客侧目。

榴梿爱好者斥大妈自私：咁大味嘅嘢咪鬼喺街食啦

许多网民、甚至榴梿爱好者，都批评大妈们行为自私，“明知呢啲咁大味嘅嘢食就咪鬼喺街食啦”、“啲自私X系唔明唔钟意食榴梿嘅人会觉得臭，喺小巴以为前座阿伯有体味问题，焗住成程车，落车时先发现系坐单边尾位个阿叔捧住一袋已开榴梿，啲味散到出嚟，真系难顶”。有人觉得侍应处理手法欠佳，“侍应应该埋去同佢讲收切榴梿费，每位300（元），佢即刻收X啦”，又嘲讽称“原来呢间酒楼可以被人当food court咁用，早响啦，有时喺街外食饭盒热Q死”。