寿司郎门外疑现排队党！女子手持至少20张候位飞 目击者：劲猖狂
来自日本的连锁回转寿司店“寿司郎”一直深受港人欢迎，繁忙时间动辄都要等至少1小时才能入座，却变成暗藏“商机”。有寿司郎食客于网上发文表示，在分店门外见到有疑似“炒飞”的排队党出没，该名女子手持至少20张候位票，目击者不禁大呼“劲猖狂、劲夸”，无奈指“怪唔之得好多人成日都话食唔到啦”。《香港01》已就事件向寿司郎查询，正等候回复。
网民批评炒飞情况禁之不绝，“食个寿司都要炒飞，香港人炒嘢炒到上晒脑”，又呼吁港人“一齐企硬”，拒绝“帮衬助长”，“食餐饭都要俾黄牛赚一笔，唔好帮衬，冇人帮衬佢就收皮”、“宁愿唔食，都唔会助长呢啲排队党”。不过也有网民猜测可能是误会，“可能唔知屋企人几时到揿定多几张飞，我都成日系咁”。
该寿司郎食客于Threads发文表示，“寿司郎卖飞炒飞听过无数次，但系亲眼见真系第一次，劲猖狂、劲夸，目测蓝衣女子手上至少有20张飞，怪唔之得好多人成日都话食唔到啦”。
寿司郎疑现排队党手持20张候位票
影片见到，1名穿深蓝色上衣的女子站在寿司郎分店门前，她手持一叠候位票，身旁有名穿深绿色衣服的男子看着该叠候位票，相信是同行者。
寿司郎候位票Carousell有价有市
寿司郎候位票“炒飞”问题一直存在，二手拍卖平台Carousell上有不少人放飞，售价约20至50元不等。
网民批：香港真系乜都有得炒
网民留言批评排队党及买黄牛的人，“香港真系乜都有得炒”、“寿司郎都要炒飞？已经开到每一区都有”、“想食咪预少人排队嘅时间去食，为咗食寿司郎去买黄牛真系黐线”。
有网民呼吁谢绝炒飞，表示“畀啲骨气，照揿飞仔，中间skip晒佢几10张好快到你”，又吁楼主应即场举报，“通知职员佢手持多过1张飞”。
网民：一家大细去食会想帮衬 VS 提早app预约
有网民分析炒价候位票有市场的原因，“30-50蚊1张飞，如果一家大细去食、老婆、女朋友，我谂实有人买，因为冇人想等一头半个钟先食，加上迟入去食有时有啲寿司已经冇晒，黄牛可以生存到实有原因，几10块当跌咗，不过悭排队时间，唔怕想食嘅寿司冇得叫，正义系睇你银包结余多少”。
有网民指出，想吃寿司郎可提早于手机应用程式预约，“apps可以预先book位，再唔系攞咗飞咪行下先，我已经习惯咗寿司郎唔系即刻入去就有得食，会预先谂定中间个1hr做乜活动，真系唔想等咪食其他啰，我系宁愿唔食肥肥三文鱼都唔想益黄牛嘅人”、“我专拣非繁忙时间食，大把位，毋须要攞飞，其余时间食其他好嘢，你哋慢慢排买黄牛啦”。
网民估未必排队党 或等家人朋友到
有网民认为该女子未必是排队党，或许在等家人或朋友到场，“试过约人食但对方迟到，每5至10分钟拎1张，对方到咗就将啲飞随机送畀路人”、“我通常攞3张，入得嘅时候会送2张畀带住小朋友或年纪大辛苦排队嘅人”。
有网民建议各种方法杜绝排队党，“1个电话号码只能够攞1张飞，佢要申请几10个电话号码去玩，咁就冇办法啦”、“一律网上实名攞飞咪解决”。
内地寿司郎多地分店查预约者SIM卡号码
寿司郎于内地的分店同样引来排队热潮，今年3月下旬，深圳有人排了5个多小时才能入座，内地二手交易平台充斥大量代取号服务，有些收费高达300元人民币（约350港元）。
为打击黄牛党，内地寿司郎北京、上海、杭州、济南、天津等多地分店于3月底推出新规，食客于寿司郎小程序预约时需填写手机尾号4位，到店签到需查验预约电话尾号及SIM卡尾号，以确保一致。
其他报道：寿司郎蟹柳寿司惊现毛发 食客：想呕 网民猜：师傅去厕所冇洗手
“睇相都即刻唔开胃！”有食客于网上发文表示，在寿司郎荃湾广场分店用餐时，发现蟹柳寿司黏附了1条不明毛发，大呼“好想呕”，“我等咗100张飞，排咗个几钟，畀啲咁嘅嘢食我”。该食客其后向职员反映，职员回应“哦，有条头发，我帮你换过碟”，对于职员认为该条是头发，她大感无言。
《香港01》记者已向寿司郎查询，至截稿前未有回复。
该食客于Threads发文发相，显示于寿司郎用膳时，蟹柳寿司其中1件黏附了1条不明毛发，十分恶心。
寿司郎蟹柳寿司惊现毛发 食客：好想呕
楼主指出，她于荃湾广场分店用餐，“仲要我系啱啱开始食，即刻冇晒食欲”，批评“咩毛都唔应该出现喺寿司上面”、“出餐之前都唔睇清楚，吓死人”，提醒网民将食物放入口前要看清楚，“放咗入口真系呕返3日嘅饭出嚟”。
网民估：寿司师傅去完厕所冇洗手
不过网民认为不是头发，“好核突，好明显唔系头发”、“仲要啲酱喺条毛上面，即系唧啲酱上去嘅时候都睇唔到”、“我喺旺角分店都遇过，条毛喺个杯入面”。网民猜测，“好大机会系寿司师傅去完厕所冇洗手，又或者系冇戴手套，你应该庆幸你冇摆落口，之后吐返出嚟”、“厨师唔洗手同直接加料冇分别，好变态”、
有网民表示，“我谂妳有排对住啲寿司产生阴影”、“自从有咗Threads之后，有冇人同我一样，食咩都要左反右反咁睇，食饭又要摷下个饭，食菜又要搞下啲菜先食”。