打喷嚏或咳嗽要掩口，避免病菌随飞沫传播是常识吧！有女生于网上发文公审城巴1名大妈乘客，她坐在大妈身旁时，大妈不断抓脸“唔知搲啲咩出嚟”，随后大妈突然打了个喷嚏，口水喷到女生半张脸。女生指，大妈不单未有道歉，还拿出纸巾只抹自己的手，之后整程车当未曾有事发生过，气愤怒斥大妈恶心和无质素。

网民纷纷批评大妈，“真系好核突，而家啲人咁冇教养，讲句唔好意思都冇咁嬲”、“无文化、无礼貌、无检点自己态度，更不想会损害到人，就有很多这样的人，真不知她们怎样，在什么家庭长大，以致活到一把年纪都不知所谓”。

“嬲到我讲唔到嘢，只手喺度震紧，点解啲人可以咁X恶心。”该女生于Threads发文讲述事件，她乘搭城巴去上班，其间身旁的大妈乘客不断抓脸“唔知搲啲咩出嚟”，她心想“此地不宜久留”，打算巴士停定时转坐其他座位，怎料“佢突然间1个乞嗤打埋嚟！我成半块面都系佢嘅口水！劲X恶心！”。

城巴大妈打喷嚏不掩口　女生半边脸被喷飞沫

女生指出，“我极为震惊，连XX佢嘅心机都无，即刻攞支消毒喷雾好似冲凉咁喷自己块面”，她不满大妈“连sorry都无句”，只从手袋拿出纸巾抹自己的手，“之后成程车好似无事发生过咁”，女生怒斥“点解香港会多咗咁多咁X无质素嘅人”，之后她转坐斜对面“对头位”拍下大妈容貌。

网民斥：即时攞只手揞一揞都好吖

网民留言表示，“好核突㖞，一定吓到呆咗”、“哗！呢个肯定有阴影”、“喷完自己同附近空气后要即刻落车洗面呀！好惨遇到呢啲人！”、“我都会发癫，我最怕人唔注重卫生，其实打乞嗤点会冇预兆，即时攞只手揞一揞都好吖”。

有网民指出楼主应当场教育大妈，“楼主你太好人了，畀我一定原地X到佢开花”、“劲黐线，唔话佢，又会有更多受害人”，有网民则认为“呢啲人你出声都冇用，好肯定佢仲寸返转头”。

网民分享被喷飞沫同类遭遇

多名网民分享类似遭遇，“完全明白，以前试过有人打乞嗤，1条长嘅绿色鼻涕喺我只手度都好，面真系好可怕，呢排仲要好多菌又covid，好惨”、“明白你感受，我都试过坐隔篱阿姐连环打乞嗤唔遮口，我第二日就病咗”。

另有网民分享，“有差不多遭遇，喺餐厅卡位打对坐，我只系食咗1啖，个大妈1个乞嗤，飞沬喷过嚟，我手背仲有佢粒饭，我立即火起闹佢咁大个人唔识拧转面，而家成碟饭都系你啲口水，可能我真系好恶，我要佢赔$，佢赔畀我，我立即埋单走，出去门口狂喷消毒！所以完全明白你当时心情”、“我都试过喺将军澳地铁站，我已经贴墙而行以为好安全，点之原来有道门，个男清洁工打开道门，劈大个口向住我头顶系咁咳，嬲到X街呀”。

网民建议：戴口罩、及早调位

有网民建议戴口罩或及早调位保障自己，“我俾人话我有时仲戴口罩出街，冇办法，X人太多唯有保护自己”、“大热天时边个唔想舒舒服服唔使戴口罩出街，条街实在太多冇公德心自私自利嘅XK，所以随时戴定睇情况拉低透气”、“巴士上一遇到啲疑似奇怪阿叔大婶要即时起身转位，有咁远调咁远，佢哋永远无好嘢”。

（Threads@est_tiii）

其他报道：有片│2大妈大闹OK便利店！增错值逼退回$200　店员做法获赞：好叻

到便利店增值必须留神，以免争拗。本港社交平台Threads流传影片，有2名大妈到CircleK便利店（OK便利店）想增值800元到支付宝（Alipay），并递上2张500元纸币（共1,000港元），但因为“顾住倾偈”，店员2次确认是否“增值1,000”时都回应“是”，店员于是按指示增值1,000。结果2名大妈不满大闹便利店，逼迫店员退回200元。其间排在后方的顾客看不过眼，表示可以帮店员作证，讵料大妈反辱骂“聋嘅唔好出声！”。最终店员致电经理，按指示退回200元，2名大妈得手后离开。

影片震惊网民，纷纷批评大妈“恶人先告状”离谱，“自己唔啱仲声大夹恶？”、“好失礼，做佢哋仔女真系惨”、“好心唔好为难小职员啦。也有网民赞赏店员冷静应对“高EQ”，“真系好EQ，好叻……畀着我嘅话，我闹到你化啦！”。

“谁大谁恶谁正确？”有网民于7月19日在Threads发布影片讲述事件，指在OK便利店排队时，前面2名大妈想增值800元到支付宝，递上2张500元纸钞。收银店员2次确认是否“入1,000元”，但2名大妈专注聊天未有认真听听，重复回答“系”，于是店员“按指示”增值1,000元到支付宝，讵料大妈得悉后“发烂渣”狂骂店员，“𠮶个泼妇就闹收银员点解入$1000，明明就话系$800”，并要求个职员叫经理出来 。

OK便利店支付宝入数争议！2大妈骂店员逼退钱

楼主续说，排在大妈后方的灰衣男子的不过眼，表示可以帮店员作证，却同样被大妈辱骂，“排佢哋后面嘅灰衣男都听到系$1000，帮个店员讲都俾佢哋闹，又话要报警，但系其实明明自己就系挂住同人倾偈冇听清楚就答，仲要声大夹恶咁闹返店员转头，果然闹交𠮶阵时愈冇道理嘅人讲得愈大声”。

大妈：叫你经理出嚟吖！

影片看到，2名大妈正在收银柜台位置责骂男店员，其中穿蓝色大妈怒指“800蚊！”，店员回答“而家入咗无得退吖嘛”，与蓝衣大妈同行的灰色大妈喝斥“收声啦！无得退，咁叫你经理出嚟吖”。店员强调有人可以作证，但蓝衣大妈激动反驳，“有人听到？佢听到唔系事件嘅全部啊！你发紧梦啊！听唔到啊！你自己发紧梦唔认，仲喺度咁多嘢讲！”。灰衣大妈重申“叫经理出嚟”。

灰衣男见义勇为作证　被大妈辱骂：聋嘅唔好出声啦！

店员之后与大妈理论，大妈高声狂骂。这时排在后方的灰衣男子见义勇为上前，表示自己“听得好清楚（说增值1,000元）”，更表示可以报警，惟大妈反辱骂灰衣男，“你真系离晒谱啊！你唔喺度（咪）乱噏嘢啦！你仲话好清楚㖞？你听唔到！聋嘅唔好出声啦！”。蓝衣大妈随即把矛头再指向店员，“唔认数仲喺度咁多嘢讲！唔系有个喺度聋嘅乱讲嘢，你就喺度乱咁讲嘢啦！认啦！呢啲咁嘅人真系，做乜鬼证人吖！”，而灰衣大妈附和说，“你自己做错嘢你要负责返㗎！”。2名大妈更逼迫店员致电经理退回200元。

店员冷静应对　大妈取回200元即离开

另1段影片看到，店员正在按经理指示退回200元，其间大妈仍不停口责骂，“唔系你格硬嚟就得㗎喇！”、“如果唔系叫经理同佢（大妈）讲对唔住㗎喇。你咁细个学埋咁样做嘢方法！”，店员未有动怒，冷静地边处理退款边回应“你话点就点啦”、“系系系，知道”。最终2名大妈取回200元后，离开现场。

网民批大妈离谱：以为大声就有道理？

网民看过影片纷纷批评大妈离谱，“啲阿蝉真系麻烦，咁都系入咗个支付宝度，又唔会少咗200蚊”、“个后生仔店员真系惨，要受呢啲人气”、“唔使理佢哋啦，阻住晒后面啲人买嘢”、“以为大声就有道理咩？”、“小事化大”、“好失礼，做佢哋仔女真系惨”、“最憎系呢啲，职员都处理紧件事仲咦咦哦哦，仲话个职员错就要认又乜嘢，静静地等人处理啦，喺度烦烦烦”。

赞店员EQ高：好劲

也有网民赞店员“EQ高”，“真系好EQ，好劲，畀着我嘅话，我闹到你化啦，群众压力佢两个自然会收档”、“今日先喺呢间OK增值，呢位店员十分有礼貌，麻烦呢两个大妈嘅屋企人，带佢哋返屋企，唔好放佢哋出嚟乱咁吠”。

“公众地方行为不检”可罚款5,000元、监禁12个月

在香港，于商店等地方责骂店员，可能触犯“公众地方行为不检”等罪行。2025年12月，大埔超级城1间连锁火锅店有女食客用膳期间，疑不满牛肉质素大吵大闹，投掷碗碟击中1名职员，最终涉“公众地方行为不检”、“普通袭击”及“拒捕”被捕。

“公众地方行为不检”是俗称，原条文是香港法例第245章《公安条例》第17B(2)条“公众地方内扰乱秩序行为”，指在公众地方作出喧哗、骚扰、辱骂、侮辱性言词或行为，意图或极可能导致他人破坏社会安宁；一经定罪，最高可处罚款5,000元及监禁12个月。

（Threads@messififaboy26）