芒果糯米糍馅料夹着果皮，竟然是为了保鲜？有港男在社交平台发文，指他日前在南昌某食店购买1盒芒果糯米糍，咬开时发现里头的芒果肉竟然连着芒果皮，于是传短讯向店家反映，客服竟然回复是为了保持芒果的新鲜，“等啲芒果冇咁易烂”，引来网民质疑是“死鸡撑饭盖”，“呢个回答真系够晒新鲜”、“一句唔好意思，好似要咗佢条命咁”、“呢个网络咁发达嘅年代，仲有人够胆死咁样覆，等执笠啰”。

涉事商户见事件不断发酵，终于翌日在社交平台发文致歉，承认“今次实属制作及监察过程中疏忽”，承诺往后会加强员工培训，务求提高制作食物质素。但网民不接受以上解释，批评“讲句sorry就算？起码都揾个客赔返一盒畀人啦”、“你唔讲一下客服嘅下场，点样同网民交代呀？”。

买芒果糯米糍惊见“果肉连果皮”

有港男在threads帐号发帖，表示他于上周六（8月29日）在南昌V Walk商场一间主打东南亚食品的餐厅、以50元购买1盒芒果糯米糍和1盒斑兰千层糕，但他享用芒果糯米糍时，发现糯米糍芒果馅料竟然夹着“芒果皮”。从楼主拍摄影片可见，他当时已经咬开糯米糍，芒果果肉尚算大件，不过果肉仍未去皮，楼主用手指逐寸将芒果皮往外拉开，随即看见1块完整果皮。

店家声称为保鲜：等啲芒果冇咁易烂

楼主在网上查询AI，结果显示芒果肉必须经过彻底去皮和去核，出现芒果皮常见于制作疏忽，并非正常情况，而芒果皮含有较多漆树酚，若敏感体质人士接触或食用后，容易引起嘴唇发炎、搔痒等过敏反应。楼主于是传短讯向店家反映，询问对方“芒果糯米糍嘅芒果系有连皮，是否本店特色”，客服则解释“因为我哋（为咗）保持芒果嘅新鲜，所以我哋连埋皮一齐”，而原因则是“等啲芒果冇咁易烂”。

因为我哋（为咗）保持芒果嘅新鲜，所以我哋连埋皮一齐，等啲芒果冇咁易烂

店家回复挨轰“死鸡撑饭盖”　网民：应该即时道歉

店家荒谬的回复瞬间惹来网民众怒，被批评“死鸡撑饭盖”，“呢个回答真系够晒新鲜”、“个CS（客服）系咪今日last day”、“呢个网络咁发达嘅年代，仲有人够胆死咁样覆，等执笠啰”、“仲驳嘴，应该即时道歉啦”、“一句唔好意思，好似要咗佢条命咁”、“间嘢都几搞笑㖞！佢真系当你3岁小朋友”，又提出质疑“我买过好多次都无芒果皮，咁系咪我之前𠮶啲唔正常？”、“咁点解唔原只芒果卖，咁就肯定系真货嚟”、“即系要边食边搣皮？搣完皮再塞返入去一齐食？”。

衰咗就要认呢个道理，咁大个人都唔明

网民揶揄：有冇卖榴梿糯米糍

同时有许多留言嘲讽揶揄，“你留意吓佢有冇卖榴梿糯米糍”、“好X正，成个壳”、“睇嚟呢度请员工唔系需要佢厨艺，系需要口才”、“我觉得芒果树冇连埋泥土同根，都唔可能最新鲜，希望店家改善吓”、“新鲜就连果皮，咁下次要盒唔新鲜”、“咁想问吓香蕉船系咪连皮上？”。

事件不断发酵引公关灾难　店家终致歉承认疏忽

事件在网上引来极大回响，涉事店舖翌日（30）终于在社交平台发文道歉，指自开店以来一直坚持由本港自家工场人手制作食物，承认“今次实属制作及监察过程中疏忽”，承诺会加强员工培训，务求提高制作食物及顾客服务质素；而该店的小编亦有回复事主帖文的部分留言，并就“员工真系答错说话”再度致歉，指在正常情况下“我哋芒果糯米糍系冇连皮嘅”。

道歉声明未能平息不满

由于店舖只是在网上道歉了事，并未提出后续解决或赔偿方案，有网民继续表示不满，“讲句sorry就算？起码都揾个客赔返一盒畀人啦”、“店员实牙实齿话有皮正常㖞！而家系咪搬个店员出嚟祭旗咁无阴功先？”、“到底有皮定无皮，而家可以收X”、“你唔讲一下客服嘅下场，点样同网民交代呀？”。

（threads＠beaver.speechless）