有片｜城巴女子站近车门开门被撞 喊痛称麻痺要叫白车 乘客围骂
乘搭巴士切勿站近车门边！有城巴乘客于网上发文发片表示，有女乘客乘车期间站近车门边，结果于屯门公路转车站前1个站被打开的车门撞到，驶到汀九桥时突然吵闹喊痛，声称半边身体麻痺，要求召救护车，车长只好将车停在路边处理事件。楼主无奈道，“去到西隧都唔得，阻住晒成车人返工”。
网民批评女乘客，“阻全车人返工实在好X差！”、“咁大个位都要企𠮶度（车门边），唔系碰瓷谂唔到第二样嘢㖞”、“睇唔到佢边度麻㖞，仲可以转身闹人，同绕手，只手仲郁得，另1只手又拎到电话，睇唔到佢有麻嘅情况啰，阻住晒”。
该城巴乘客于Threads发文发片不满指，事发于屯门（置乐花园）开往铜锣湾（摩顿台）的过海隧巴952P线，有女乘客“企咗喺巴士门隔篱，开门唔避开自然会撞到佢。事发喺屯公前1个站，喺屯公转车站𠮶时唔叫痛唔话要落车，喺汀九桥度嘈，要叫白车，话道门弹开咗佢半米远，而家半边身麻晒”。
喺汀九桥度嘈，要叫白车，话道门弹开咗佢半米远，而家半边身麻晒
站近车门开门被撞 城巴女乘客大闹车厢
楼主无奈道，“去到西隧都唔得，阻住晒成车人返工，同埋觉得司机好惨，有可能影响司机份工”。楼主又透露后续该女乘客“去到西隧口又唔出声又无打算要落车咁”。
女乘客：撞到人给个说法呀，香港就牛了？
影片见到，城巴停在路边，该女乘客站在车长位后、倚着车身站立，有男乘客问“你有咩问题呀而家？”，女乘客回应“我都唔知，佢（车门）撞落嚟”，男乘客指出“规矩就系规矩”，女乘客问“什么规矩？”，男乘客说“你望下你条黄线啦，乘客唔可以企出𠮶条黄线㗎”。
有另1名女乘客提醒香港有香港的规矩，女乘客不满道“香港咋了？撞到人给个说法呀，香港就牛了？”，影片就此完结。
网民：巴士车门贴有字句提醒勿站近
“巴士门有告示喔，文盲？”
“唔通个个上车前都讲一大抽T&C（条款与细则）先？讲咗都可以听不懂我没听到”
“佢第一日搭巴士吖？咁都要人提”
网民：把声咁大就唔似有事啦
“可能系碰瓷新手法”
“半边身麻晒仲咁X有中气同咁企得稳”
“把声咁大就唔似有事啦，仲可以企喺度闹交！佢碰瓷巴士司机咋话！”
“凭实力碌翻呢个post，企喺佢隔篱就快耳聋，咁有中气应该无乜唔舒服，反而想问司机使唔使揾人帮手，个女人好似想告佢，见佢系咁问AI”
“因咁迟到考唔到试，无职升甚至被炒，真系会咒佢一世”
乘客不适当地干扰巴士车门有什么刑罚？
城巴乘客须知有提到，乘客上车后要尽量行入车厢尾后位置，以保持梯间及闸门通道畅顺；乘客亦须站于黄线之后，以确保车长视线无阻；切勿阻碍或干扰巴士任何部份或其设备包括车门的正常操作。
香港法例第230A章《公共巴士服务规例》第13A条列明，巴士移动时，乘客不得在前於单层巴士或双层巴士下层司机位最后部分站立。若故意阻碍司机望向道路或交通的视线，或不适当地干扰车门，即属犯罪，可处第2级罚款（5,000港元）及监禁6个月。