男子疑携石棉搭城巴 被机警车长赶下车 网民惊呼：致癌物违禁品
幸好这位城巴车长够机警！有城巴乘客于网上发文表示，乘搭来往筲箕湾及坚尼地城（卑路乍湾）的18X线城巴时，有男子携带手推车上车，被车长询问装有什么物品时结结巴巴，多番询问下才透露是石棉，车长大为震惊，立即将男子赶下车。
网民惊呼，“石棉好毒㗎㖞，而家冇人用㗎啦，佢攞住咁大袋石棉做咩”、“石棉系高度致癌物，巴士系载客，唔系运货，仲要运危险品，司机抵赞”、“根本唔止应该叫佢落车，应该报警拉佢，睇层主资料石棉喺香港系违禁品”。
也有网民怀疑男子是否说错，“点解会有石棉，会唔会佢有乡音其实讲紧其他嘢”、“点会咁样运石棉呀，会唔会系Rock wool（岩棉）咋”。有网民表示，“可以报警话佢藏有危险品，由警车护送佢一程”、“可以书面表扬司机做得好，唔系个个司机都咁上心”。
“大赞18X巴士司机”。该城巴乘客于Threads发文讲述事件，她乘搭18X线城巴时目击有男子携带手推车上车，“呢个男人好快手嘟咗八达通，谂住入去放低佢嘅行李”，车长随即询问装有什么物品。
男子携带一车石棉搭城巴
以下为楼主引述车长与男子的对话内容：
车长：你咁大车嘢系咩嚟
男子：呃呃呃，公司啲货
车长：咁你呢嘢系咩嚟
男子：我平时都系咁样搭车
车长：问紧你！呢车系咩嚟呀
男子：呃呃呃，石棉，系啰
车长惊悉男子携石棉遂赶下车
车长：石棉！你同我落车！你唔可以上车㖞
男子：呃呃呃，我平时都系咁样搭，点解唔可以？
车长：石棉易燃物品嚟㗎，你有冇常识！一阵成架车一齐爆炸着火！
男子：呃呃呃……
车长：落车啦！仲呃呃呃
有男乘客上前：落车啦X，阻X住
楼主无奈道，“究竟边间公司就咁叫啲员工运送石棉”。
网民惊呼石棉是致癌物违禁品
“阿叔走私石棉㖞”
“石棉嘅危害程度比好多易燃物品仲要高”
“唔燃，啲微尘都唔掂，特别系会放近老人位，害死老人家”
“石棉？我旧楼天台拆卸𠮶阵，包晒防护装备，啲工人着到生化危机咁”
“石棉唔系易燃嘢，相反佢一般用喺建筑物防火上面，有好高阻隔性，但佢系第一类致癌物，香港禁用咗好耐，系旧楼先会多。btw司机啱嘅，系唔应该畀佢上车，无论系咪真系石棉”
“应该系个司机记错防火同易燃，不过系有致癌所以唔畀上都正常，吸咗入肺手尾好长，而且冇得医，是断唔到尾㗎。（石绵肺症。致病原因：吸入的石棉纤维无法被身体分解或排除，导致肺组织反复受损并形成永久性疤痕。）印象中拆都要揾指定公司，不过可能佢偷鸡自己拆，以前旧式建筑未知危害，钟意隔层入面用呢样嘢保温”
“睇佢最多咪搭下一架，下一架车啲人当灾。但点解佢会有石棉？而且仲可以大摇大摆咁喺条街度行！仲有，睇佢口吻，其实佢系知道咩系石棉，而且知道系违禁品，知道有害，但选择祸害众生。BTW，车长做得实在太好！”
网民认出男子疑是灭虫公司职员
“如果佢真系灭虫公司职员，咁有可能佢呢车系DE（矽藻土），本身矽藻土就唔易燃，但如系喷雾罐装粉状就好易，为了把粉末变成方便喷洒的雾状，喷雾罐内通常会加入易燃的化学推进剂（例如液化石油气LPG、丙烷、丁烷或酒精成份）”
香港法例禁进口石棉或含石棉物料
根据香港法例第311章《空气污染管制条例》第80条“禁止使用、供应、进口及转运石棉或含石棉物料”
(1)除第82及83条另有规定外，任何人不得 ——
(a)使用、供应、进口或转运石棉或含石棉物料；或
(b)导致或准许他人使用、供应、进口或转运石棉或含石棉物料。
(2)任何人违反第(1)(a)或(b)款，即属犯罪，一经定罪，可处罚款20万元及监禁6个月。
城巴乘客须知：行李不可有危险性或厌恶性
根据城巴乘客须知，每位乘客只可携带总重量不超逾5公斤及总体积不超逾0.1立方米之物品登车，而所有登车之物品或行李亦不可有任何危险性或厌恶性。车长有权拒绝携带着不符合以上规定之物品或行李的人士登上或乘搭巴士。该物品或行李不得占用任何座位，亦不得放置在巴士的通道上或楼梯上。