在街上突然被陌生人捉手拖行“咪话唔惊”！有女生于网上发文表示，早上去上班期间在北角街头突然被1名婆婆拉着，要求扶去目的地，中途女生曾表示不顺路，尝试“揈开”，但被婆婆“劲大力捉住”，即使她表示可帮忙报警，婆婆也未有理会，“直接拖我去佢要去嘅目的地”才放开。回到公司后，女生发现手臂被捉紧的位置现瘀青，提醒“如果喺北角附近返工或者居住嘅网友自己小心”。

网民大呼，“好恐怖，不过我明楼主，如果我系楼主likely都系同一反应，会吓到呆咗，又唔敢大力推开佢，一阵佢有咩事老屈我仲死得惨”、“无啦啦掂你已经唔啱，点知佢想点，如果系阿伯直头系非礼”、“明白阿婆可能真系需要人帮助，强人所难夹硬拉人扶自己系霸道咗”、“如果喺第二度分分钟被人夹咗上车喇”。

有网民猜测婆婆“佢咁大力捉未必系恶意，可能知自己会跌想借平衡”或患有认知障碍症，但也提醒女生要学懂保护自己，“呢个年头唔建议做好人，试下企定唔好郁大嗌救命有咁大声叫咁大声”、“呢啲如果挣扎唔开直接坐落地下/瞓地大叫唔识个阿婆，你唔会知系咪利用你好心带去无人嘅地方”。

“谂返转头都好无奈。”该女生于Threads发文发片讲述事件，她早上去上班期间在街上突然被1名婆婆拉着，“话我要去边度边度，你扶我过去，跟住我就戆居居俾个阿婆拉去佢要去嘅地方”。

戆居居俾个阿婆拉去佢要去嘅地方

女生北角街头被婆婆捉手要求搀扶

女生指出，“我中途已经揈开过佢，讲话唔顺路，但系佢劲大力捉住我”，即使表示“婆婆，你要去𠮶度，我帮你报警呀，我帮你揾警察啊。你有啲咩事跌亲或者企唔稳，我唔识急救，我都冇牌，我都帮你唔到㖞”。

佢劲大力捉住我

女生：拖我去目的地　手臂现瘀青

女生无奈说，婆婆“完全系坚持唔理我，跟住直接拖我去佢要去嘅目的地，只手个位仲要返到公司先发现有啲瘀咗”。

只手个位仲要返到公司先发现有啲瘀咗

女生直言，全程唯一可以做的事就是拍片证明不认识该婆婆，“系你坚持要我扶你过去㗎，其实难听啲讲系你拖我过去”。她问网民：“有冇人话畀我听，如果下次再遇到呢啲情况嘅时候我应该点算好？”

其实难听啲讲系你拖我过去

网民分享被同一婆婆捉手经历

“大概两、3个月前我都俾呢个婆婆捉住过，我以为佢要过马路对面见都顺路，先谂住俾佢扶一阵，点知愈行愈远又捉得劲实，我都问咗佢两三次要行去边，佢净系答我前面，我一路行一路谂佢会唔会系呃我去骗子𠮶窦，𠮶下都真系惊惊地，最后都系去咗前面个商场外面，放开咗话等朋友接佢”

“最近1个月返工都试过，听到佢好似叫我，开头我系经过行咗两步，再返转头问佢咩嘢事，佢话可唔可以扶佢过马路，佢唔敢1个人过，都真系由麦当劳行到健威（健威花园），佢话拎完派饭，返去可以当两餐食，阿婆嚟讲细细粒佢都真系算行得快”

“我都系等马路嘅时候俾呢个阿婆捉过，一开始话过马路，点知行得愈嚟愈远过咗几个街口，我隔半个街口就问佢1次要去边，佢都系话去前面，就到就到，我再问佢去前面做咩，佢就话有饭盒派，去到佢嘅目的地就见到好多老人家一齐等紧。我谂老人家1个人出街都唔容易嘅，你当自己系天选之人扶咗个阿婆过马路啦，嚟紧都会好幸运的”

网民建议：抱灯柱围栅唔好畀佢拉走

“你冇做错，而且po出嚟令人提高警惕！好有可疑，唔排除系单纯年纪大阿婆懵下懵下，但之前都讲啲不法集团，会有啲老弱嘅令人减低戒心，佢咁样捉住一来如果你推开佢，有乜损伤又屈你，唔排除系新型手法，一律拒绝肢体接触，社交距离好重要”

“好彩在香港咋，如果在其他地方拉你去后巷卖咗你，下次即刻大叫‘我唔识你，放开我，救命啊！’，抱住啲灯柱、围栅，唔好俾佢拉你走，唔好跟佢走”

网民吁勿检讨受害者

“唔建议各位blame on victim，本身个女仔冇遇过呢啲情况，唔知可以点处理系好正常嘅，而且其实好多婆婆都好大力，唔系咁轻易揈开系唔出奇，万一太大力整跌人，搞到个婆婆整亲就唔好啦。唔帮佢，转头就俾人闹冇爱心/香港人好冷漠/帮下婆婆都唔得呢啲嘢，俾人摆上网公审都似。我觉得楼主已经做得好好，摆上嚟提大家小心啲，留言都见到唔止佢1个遇到呢个情况，其他女仔下次遇到呢啲情况都知可以点做”

“遇到黐线阿婆其实仲棘手过遇到黐线壮汉，后者你即时可能已经大叫，前者一间反过嚟扮受害者仲麻烦。网友纸上谈兵当然容易，事实上细路或者较柔弱女子等单人遇到突发情况，好多时大脑会‘hang机’唔识应对，或者惊反抗、过激行为等会激起肇事者更强烈失控嘅行为，所以本能地选择当下认为最安全嘅行为，就系顺从（住先）……”

（Threads@candy_lcy）