停车场遇旁车女子大力开门 车主分享一好物 防范车门被撞凹刮花
作为车主，将车停泊在停车场最怕遇上“开门X”，大大力开车门，“撞凹”或刮花旁边车辆。有车主近日于网上发文分享遇上“开门X”的影片，幸好他早有防备，在车门夹上“加长型车门防撞条”，才避免爱车受损伤。
网民纷纷批评“开门X”，“真系唔明啲人，对门开细啲系咪会死？真系要下下都开到咁大？”、“啲阿姐成日都系咁开门都唔会谂吓人哋”。不少车主“围炉”诉苦，“外出泊车经常遇到啲无品人”、“唉，又谂起我个凹咗嘅车门，痛”、“我试过连续两次，仲要我喺车入面，即刻落车同佢算帐”。
该车主于Threads发文发片，影片见到他将车停泊在停车场，旁车女子用力拉开私家车车门，结果车门撞落楼主的“加长型车门防撞条”上，若楼主未有加设防撞条，估计车身已现损伤。
停车场遇旁车女子大力开门撞车门
楼主于帖文写道，“好彩冇偷懒，有啲人开门真系完全唔睇，仲要大大力咁开”。楼主解释，因拿到新车第一个星期，“喺停车场俾人开门撞咗”才网购防撞条防范“开门X”。
楼主：防撞条挡到80%以上开门X
楼主指出，他购买的防撞条是胶制并不重，夹在前门30秒内就可装好，但这款防撞条只得正中间及头尾有软胶，他打算“DIY成条加晒软垫上去”。
楼主分享实测结果，“如果隔篱都系私家车，防前门冇问题，但如果同隔篱部车高度差太多，后门可能挡唔到，但至少应该可以挡到80%以上开门X了”。
楼主又说，“我见网上仲有卖1只叫反杀款，面向外面𠮶边会有条金属，够胆撞落嚟就先整花自己部车”。
网民斥：全力拉大道门系咩玩法
“好癫，中间有段小停顿，然后全力拉大道门系咩玩法”
“最XX街系，佢明知撞到，望咗𠮶一眼好似唔X关自己事咁继续逼上车”
“咁大力开车门嘅，多数都唔系揸开车或者无揸车嘅人”
“细细个屋企人已经教我开车门要小心唔好整到人哋，呢啲人应该系冇家教”
“真系唔明做咗咁耐人开个车门，咩都唔理，搞到撞到人架车，又整花自己架车咁蠢”
车主诉苦：新车落地未够1年两边门都被整凹
“我新车落地未够1年已经两边都俾开门X整凹，所以每次泊车都必落防撞！”
“有车嘅人可唔可以真系教育下屋企亲朋戚友，点样开门先好上车？真系年中闲闲地3-4次俾开门X撞，有次仲俾佢闹番转头，真系有病”
“喺加拿大俾人撞到花晒，我已经放弃整车了，之前去Costco（好市多）每次去完都会多几条痕，怀疑啲人啲购物车直接撞上嚟都有”
网民吁：慢动作+用自己只手垫住开车门
“我每次开车门都慢动作，好惊掂到人哋架车，惊赔钱”
“每次开门，我都要揾自己只手垫住，宁愿自己只手污糟都唔想整花人哋架车”
“车咗出嚟先再上唔得嘅，你又知道窄，又攞住啲嘢”
“其实最理想司机应该揸架车出嚟先畀乘客上车，做乘客嘅人本身冇车，未必知道呢啲小习惯唔系不能理解，但系做司机嘅一定知”
有网民分享正使用“磨砂反杀磁吸车门防撞条”
“佢系磁吸嘅，停好车就吸上去，向出面个红色位系粗磨沙嚟，边个X街X家X开门撞过嚟就刮佢老X”
不过，有网民细想到破解之法，或成无用之物：
“磁吸……如果佢拆翻出嚟磨你呢？”
“睇落好嘢嚟，但又太易俾人拎走埋”