居屋比公屋好住？有港人于网上发文，比较住公屋及买居屋每年花费，他认为公屋加租下，每年需缴交2.4万元租金，5年便需12万元不划算；而居屋每年“养楼费”（差饷、地租、管理费）仅约1.3万元，若碰上大维修，只要屋苑住户够多就能大幅摊分费用，直言“好明显住公屋系唔著数”。

网民纷纷点出楼主计漏最重要的供楼，“居屋1年用万3？你未计要供楼㖞”、“最优先要计入去嘅，反而完全忽略，最辛苦供楼𠮶部份去咗边”。有网民指出，居屋大维修费用及杂费不如楼主想像中理想，“年轻人，大维修$15万走唔甩”、“哪有咁平！睇地段，差饷同管理费都唔平，九龙区激贵，基本上同私楼差唔多”、“我住新界居屋800几呎，每季差饷$2,8xx，管理费1个月$9xx”。

该港人于facebook群组“香港公营房屋讨论区(FB版)”发文分享见解，指出“公屋加租每月2,000元，X12个月=24,000元，5年便收了我12万”。

计公屋加租5年缴12万元　得居屋更好结论

楼主认为住居屋更划算，他计算“居屋1年养楼费（差饷、地租、管理费），加埋1年都系约13,000元，当遇到10年一次大维修时，280呎单位大约只出3万至7万元，如果居屋户数达3,000户，咁维修费用就更加平了！”。

港人：好明显住公屋系唔著数

楼主直言，“如果咁样计法，好明显住公屋系唔著数，而有啲公屋户每个月要交3,000至5,000蚊租，佢哋仲以为自己好幸福，其实都唔知几戆居！”。

网民惊呼楼主计漏供楼：向银行借按揭贷款要连本带息还钱

“你就好啦，识计公屋要交租居屋就唔使供楼”

“最最最X憎你呢种混淆视听嘅人，收皮啦你，居屋使唔使供楼呀？叫AI计畀你睇下，问银行借300万按揭，30年后实际要连本带利还几钱呀，居屋好过住公屋你都讲得出？人人咁有钱full pay（全额付款）唔使畀利息呀？唔好喺度吹水啦”

“仲有利息，几10年利息仲多过几10年公屋嘅租金，遇着加息就分分钟多过公屋加租。有人会用mortgage link户口（按揭存款挂钩高息户口），抵消返啲利息嘅，不过大前题系供完楼仲有好多松动钱放入mortgage link户口，我自问就无揾咁多，又要养家，所以唯有一世住公屋啦！”

“居屋要供，每个月都唔少，加埋啲杂费系会比公屋多好多倍。另外如果有咁多钱唔使供，咁就唔会住公屋居屋啦，直接私楼”

网民：买居屋要付差饷、地租、管理费

“居屋还有每季差饷地租、每月管理费，公屋冇呢啲杂费㗎，其实你系咪白表未买到楼，游戏规则都未认清”

“讲经咩，供楼无计钱，管理费任佢加，沙田居屋$1900蚊呀1个月，维修唔计嘅，仲有呀，你退休无嘢捞，公屋你唔使交租，有无计？健康问题无钱，供唔到楼，你试下唔交管理费，睇下法团告到你甩裤，钉你契，破产乜都无，瞓街啦你”

网民列住公屋好处：租金便宜、维修交房署负责

“当你住过㓥房，每个月要交$6000-$7000租，你就会明白住公屋有几幸福！”

“我交紧$4,000几租，有400几呎，10分钟到地铁站，唔近地铁或者唔系市区嘅公屋就平啲”

“公屋漏水 =房署事，居屋漏水 =业主事。多年装修经验话你知，单单1项漏水花费已经可以系由几万银至10几万嘅事，住公屋整唔整到都唔关你事，最多系烦要畀师父入屋维修”

公屋租金加租2.04%已于10.1生效

房委会资助房屋小组委员会早前通过公屋租金加租2.04%，并已于今年10月1日生效，受影响住户平均每月须多缴约51元租金，而租户每月实际交多10元至128元租金。

房委会表示，根据《房屋条例》第16A条订明的法定机制，房委会须每两年检讨公屋租金一次，并按收入指数的变动做出调整。政府统计处处长编制的报告显示，第二期间（2025年）的收入指数比第一期间（2023年）高出2.04%，故公屋租金须相应按幅度上调。

（facebook群组“香港公营房屋讨论区(FB版)”）