租楼还是买楼，理应先衡量自己的负担能力。有地产经纪在Threads发文，称留意到有网民14年前卖楼后改为租楼，多年来交了270万的租金，现在要搬走“层楼冇咗，租金仲要一路加”。他认为租楼“系揾到钱𠮶批先有资格拣租”，一般家庭其实更适合买楼。帖文引起争论，认为买楼的钱用作投资，“肯定呢14年赚嘅就唔止200几万啦”，也有人认为买楼才可以省却不停找租盘和搬屋的轮回。

14年前卖楼　累计花270万租楼“租金仲要一路加”

楼主在Threads发文，表示留意到有网民提到自己卖楼经历，对方在14年前卖楼，后来多年花了270万元来租楼住，终于要搬走感不舍，“层楼冇咗，租金仲要一路加”，他认为买还是租是长年被争论的话题，就他看来高收入人士才适合租楼。

按总额摊分平均月租约1.61万元

若按楼主转述，把270万元分摊至14年、合共168个月，平均每月约1.6万元，但不代表每月租金一直相同。

楼主称2名高收入朋友租楼后仍能储蓄

楼主形容“租楼唔系人工唔高先租，反而系揾到钱𠮶批先有资格拣租”，他以身边1名律师及1名兽医朋友为例，称2人租楼多年，租金约2万多元，占人工约10%至20%，仍有余钱储蓄，也可以按需要选择搬去其他地方。他认为租楼能换取这种选择空间，并以“租楼买自由，买楼买将来”形容自己的看法。

楼主认为家庭应先看租金占收入比例

至于一般家庭，楼主认为若月入4万元，花2万元租楼便会有很大压力。他主张先租较便宜的单位，储蓄数年，再考虑购入200万至400万元的单位自住，“升跌都唔使理，遇著大升就系你致富开端”。

不少网民认同楼主看法：

讲得啱呀，人工高𠮶班真系可以周围租；反而收入不高𠮶班，简简单单靠买楼累积财富至系最简单脱贫。

分享下，十几年前用300万首付买咗层楼收租，多年来差唔多冇吉过共收咗400+万租，一直以租代供，层楼账面仲升咗400万。如果而家卖楼，还按揭后可以攞返900万，系当年成本的3倍。所以买楼计啱数又有杠杆其实系ok的。 而家年纪大快退休，就唔会再搏了。

我哋就系基层家庭，啱啱买咗四小龙，唔想帮人供楼，终于有个安乐窝

人工够高真系可以长租，因为人哋俾租金嘅屋，要好多好多首付先够俾

就算几得闲嘅人都唔会钟意搬屋，执屋都已经一半半，有养细路或者宠物，老人家喺屋企附近住唔想搬，有时间都去吓旅行

另一派网民就认为租楼可以掌握更多搬屋自由及控制资金流动，而且买楼作为投资亦不合时宜：

租，好多人话搬麻烦，但可搬系另一种自由。邻居唔好，可完约搬；附近起楼嘈，又可搬。

租楼可留返首付嚿钱投资／做定期，百几万4至5%回报每个月已经5、6千

以前成日鼓吹买楼，系因为楼价会一百万一百万咁升

攞14年前买楼𠮶笔钱投资，肯定呢14年赚嘅就唔止200几万啦

如果租楼唔担心成日要搬嘅话呢的确系抵啲

也有年长网民提到，将到退休年龄会考虑卖楼，“我就嚟退休就有谂过卖咗自住呢层楼攞住𠮶嚿钱返大陆租楼住、因为冇收入之后呢个就系收入嘅来源”。而且买或租很看当时大市气氛，并无绝对对错，“买: 好睇楼市周期，如果2020年入市𠮶啲，紧系希望租多两年先买，但长远系储咗层楼返嚟；租：冇畀首付，每个月个cashflow 比供可能好小小，但最主要嘅问题系，嚿首付有冇咁叻可以有稳定回报？有人当然赚大钱，但都有人可能total lost”。

楼主：买楼定租楼真系冇绝对啱错

楼主后来表示，“多谢咁多师兄师姐激辩，买楼定租楼真系冇绝对啱错”，只是就他的观察，“人工高有好多选择，收入一般嘅朋友，买楼反而系最简单逼自己储到钱嘅方法”。

（johnchung1020＠Threads）