实政圆桌召集人、前立法会议员田北辰今日（26日）生日，他在社交媒体发文，指今日是卸任立法会议员后第一个生日。他说，今年生日除了有得吃一顿米芝莲三星中菜馆晚饭外，还有一件事令他“真系饮得杯落”，“对我嚟讲系最好嘅生日礼物！”

田北辰表示，早几日实政圆桌的同事已提早为他庆祝生日。再返立法会，令他想起去年今日，“我仲心大心细谂紧到底我继续选，定系交棒畀我嘅接班人阿Mark（现任议员庄豪锋）呢？”

当时系仲未做决定，有啲惊如果阿Mark选唔到，咁我哋实政圆桌嘅声音就会喺立法会消失。

一年过去，田北辰看着徒弟表现，不禁公开赞扬，“阿Mark上任以嚟我觉得佢都做得ok，冇令我失望，讲嘢言之有物，台型、面对传媒等嘅表现都唔错，真系饮得杯落，对我嚟讲系最好嘅生日礼物！”

区议会选举年底举行，田透露，“听讲仲有唔少人想加入我哋实政圆桌参选出年年底嘅区议会选举”，不过他表示会小心、谨慎，“一定要系志同道合先得！”

庄豪锋一定预先收到“师傅”赞赏，当晚给田北辰一个惊喜，请我去食中菜，“开头我完全唔知系咩餐厅，点知见到面阿Mark先同我讲系去全港米芝莲三星中菜嘅其中一间‘唐阁’。”

原来这是庄豪锋与太太11年前结婚摆酒的地方，所以每年8月结婚纪念日都会到来庆祝，“今次系破天荒一个月连续嚟两次，估唔到阿Mark同太太咁破费，我呢个徒弟真系唔话得喇。”

田北辰说，庄太突然笑笑口话：“今时今日冇MT你，就冇阿Mark嘅今日。不过亦都讲真，阿Mark佢都好辛苦，因为你要求太高喇，曾经念过唔do。我就劝佢唔好咁易放弃，虽然MT咩都要尽善尽美、数据查完再查，但行政治呢条路系要走长线，做到最好！”

他说，听完庄太的话，“我都好佩服我呢个徒弟，顶得顺我，坚持落去，睇得出佢对自己要求好高，亦训练到佢凡事都要做好research、讲乜都尽量用数据！”