食物敏感分分钟可致命！尤其蛋、奶、花生这些致敏源，吃了后果可能很严重。早前，有位花生敏感的网友于Threads发文，指在寿司郎点了一客“焦糖慕丝蛋糕”，吃了一口后，察觉到蛋糕含有花生时，随即向店员反映，店员竟这样反应，令她很气愤，觉得店方应做好员工培训。事件惹来两极争议，究竟是店方没列明成分疏忽？还是客人没主动查询不对？食物标签有没有责任列出成分？

食物敏感｜蛋糕含致敏花生求退回　店员：不如朋友食咗佢 反正朋友冇敏感

网友以“麻烦做返好啲员工培训”为题早前（10月6日）于Threads发文，指当天在寿司郎晚饭，餐后点了一客价值$22的“焦糖慕丝蛋糕”，吃了一口便意识到蛋糕有花生，“当刻已经即刻联络店员，想将个蛋糕退钱，同埋反映返，呢啲致敏源系咪应该写返落餐牌？结果你哋个管理层一行到埋嚟，就同我讲：

“不如朋友食咗佢 反正朋友冇敏感”
？？？？?_? ？？？？
仲话我已经食咗啖个蛋糕 要退钱嘅话 佢会好难做
？？？？？？？
我心谂我食咗下肚你仲难做
我瞓住喺你舖头俾人擡出去 你应该仲大镬
？？？？？？
我唔食边度知个蛋糕有花生
你一早有写个蛋糕有花生我咪唔会叫个蛋糕
最后要我哋同店员理论
先愿意拎走碟蛋糕 冇计到钱
但系由头到尾态度都好差 连道歉都冇

食物敏感｜世界过敏组织列9大致敏食物　新增1有益食材严重可致命

食物敏感｜一两粒花生碎致呕胃痛2小时　敏感唔系咁简单

楼主解释“今次咁劳气系因为你哋个管理层处理得好有问题，我甚至唔要求道歉，但系唔会系叫我朋友食咗佢啩？”她认为花生是较普遍的致敏源，应考虑加入餐牌内。

她说，回家后呕了一次、胃痛了两个钟，有食敏感药，但这只是吃了一两粒花生碎，所引致的敏感反应。若吃多了，后果可以很严重。

“未经历过食物敏感嘅可以形容俾你哋听，喉咙发胀到唞唔到气 而且会喉咙内部会非常超级痕，过一阵会呕返晒所有嘢出嚟，再过多阵就系全身好痕，严重嘅会出红疹，最后就系会胃痛，痛几耐就睇你食咗几多，更严重嘅系有啲系真系要医生处方药先搞得掂，食物敏感唔系你哋谂得咁简单”

同时亦有网民指也吃过这款蛋糕，“个饼底系有啲nuts味，我当时仲同朋友讲呢件嘢焦糖味咁弱，仲加nuts抢味。唔标有花生真心唔ok ，有食物敏感嘅人好易出事，剩系叫佢收返件cake取消单叫好好人啦”

食物敏感｜西多士有花生酱是常识？

对于楼主这次不愉快经历，网友有两极意见，有人认为甜品本身没写成分，点解还要叫？楼主应该主动问店员蛋糕的成分。“全世界都要围住你🤷🏻‍♂️，条命你自己既。讲真甜品咁高机率有花生既东西都唔问咁无危机感，打横训左出去真系自己攞嚟”。有人觉得香港轻视了食物敏感的严重性，没有正视问题。“睇留言真系觉得好恐怖”、“睇留言，无知嘅人系最可怕。”

也有人分享了各自的经历：

“Po主嘅经历我喺大家乐都试过！西多士入面有花生酱餐牌上面完全冇写！揾经理投诉，只系话西多士有花生酱系常识？！真系黐线！当时系喉咙肿咗要去急症室！”

面包店：即时落架道歉退钱送食物　感激顾客提醒

“有1次我路过间面包店，见系新开，就买咗3粒黑芝麻糯米糍，返到屋企食咗1啖，feel到有花生味，但个包装冇写，即刻打电话去铺头反映，建议佢地如果食物系有花生等等的致敏源成份一定要写返，有啲人严重起嚟系会呼吸唔到，个经理讲咗好多次唔好意思，同埋一直有问我后续有冇唔舒服，然后佢地系即时落架全线分店嘅黑芝麻糯米糍，我叫佢退返3粒黑芝麻糯米糍嘅钱俾我，但佢除咗退3粒钱，仲叫我落分店挑选其他食物，话要请我食，话要多谢我提醒咗佢地，花生呢啲真系要写明，俾机会佢地进步，第2日我去睇，所有贴纸已经转咗做黑芝麻花生糯米糍，虽然佢地开头冇写明花生真系好有可能会发生严重事情，好在我个次冇事，但佢地处理手法我舒服，人地真系有心对待呢件事”

食物敏感｜预先包装食物　须列出8种常见致敏物质

没有食物敏感的人，可能不知敏感带来的后果，痕痒、出疹事小，严重的分分钟气管收窄、呼吸困难，甚至送命。蛋糕甜品，材料多样，制作复杂，你没看见的成分多不胜数。因此，为了保障食物敏感人士的健康和安全，据香港《食物及药物（成分组合及标签）规例》（第132W章）规定，预先包装的食物标签有必要列出8种常见的可能致敏物质。

1 含有麸质的谷类（即小麦、黑麦、大麦、燕麦、裂谷小麦、它们的混合变种及它们的制品）。
2 甲壳类动物及甲壳类动物制品。
3 蛋类及蛋类制品。
4 鱼类及鱼类制品。
5 花生、大豆及它们的制品。
6 奶类及奶类制品（包括乳糖）。
7 木本坚果及坚果制品。
8 亚硫酸盐（如食物由浓度达到或超过百万分之十的亚硫酸盐组成或含有上述浓度的亚硫酸盐，有关的亚硫酸盐的作用类别及其名称须在配料表中指明）。

违例者一经定罪，最高可被罚款港币五万元（$50,000）及监禁六个月。可是，餐厅食肆目前仍未有相关的规例，只能靠业界向顾客提供资讯。食客为免误食致敏食材，也应主动提出疑问。