私家车倒后镜惊现蜈蚣 司机乘客狂惊呼：好恐怖 网民提醒或有窦
好大条蜈蚣！近日网上流传影片，有私家车行驶期间，左边倒后镜上有条蜈蚣爬来爬去，车内司机及乘客纷纷惊呼，有男声大叫“好恐怖呀，黐线”，而当时副驾驶座的车窗是紧闭。
有网民笑说蜈蚣坐了顺风车，“叫佢坐车要畀$！支付宝/转数快都得”，亦有网民表示“即刻望下大髀中间有无同款”，另有网民无奈道“喺出面，使唔使咁大反应，喺入面咪大获”、“又入唔到嚟，有乜好怕”、“住村屋大条更多都仲有啦”。有网民提醒，“通常见到1条，都会有窦，可能喺车啲罅隙入边，留意下车天花、冷气风口位、脚踏位”。
有网民于facebook群组“车cam L（香港群组）”发文发片问：“揸下车俾你发现到，你会点做？”
私家车倒后镜惊现蜈蚣 司机乘客吓怕
影片见到私家车左边倒后镜上有条蜈蚣，车内一片惊呼声，坐在副驾驶座的乘客向司机表示“你睇前面得㗎啦，我帮你影咗㗎啦”，有女声说“好大条”，另1把男声大呼“好恐怖呀，黐线”。
车内男声：哇，好惊呀
其后蜈蚣被风吹至半身甩离倒后镜，副驾驶座乘客要求司机“开快少少”，盼以车速及气流弄走蜈蚣，但蜈蚣很快重新全身贴在倒后镜上，有把男声继续大呼“哇，好惊呀”，蜈蚣钻入镜壳内，影片就此完结。
网民提醒：或镜壳内生BB，入埋车笼
网民留言表示，“唔系吓你，蜈蚣通常都系一对一双咁出现，呢条都好大条，尽快处理”、“如果后车是单车/电单车人士，谂起都痕”、“同出风口有曱甴一样咁恐怖”，又笑说“出边咁大风点解唔畀佢上车，车主好残忍”。
有网民提醒，“唔好挂住望左镜，可能右镜有另一条出现，同埋佢识返入去个镜壳到，可能喺入面生BB，镜同车身系互通的，随时入埋车笼”。
网民分享类似经历：
“有日揸紧车，突然有条蜈蚣在我軚盘出现，真系俾佢吓一吓，好大条”
“上次港车北上，快叉（充电）叉极都叉唔到，后来一睇有条蜈蚣顶住个快叉头”
网民建议各种弄走蜈蚣的方法：
“点解唔试下开镜收镜整甩佢”
“折埋块镜，等气流吹走”
“你如果惊嘅叫你朋友开慢少少靠左线，攞张纸巾开只窗撩走佢咪得啰”
“由得佢，落车再睇佢喺唔喺到”
其他网民分享在车窗见到壁虎等各种小动物的照片：