Tesla内讧？尖山隧道行右线时速不足80公里 后车司机公审爆骂战
Tesla司机上演“内讧”？有Tesla司机近日于网上发文，公审另1名紫色车身Tesla男司机，不满于每小时限速最高80公里的尖山隧道霸占右线，以时速50多公里驾驶，出隧道后还向他举中指。
紫车司机随即发文反击，指出“隧道行80我系行7x，我唔觉得有咩问题”，强调自己“安全驾驶”，直言“为咗畀你快，一阵超速罚钱你帮我畀？”，又不满对方于隧道内不断闪灯及长开高灯干扰，令他头晕眼花，他已就事件向警方举报。
事件引来网民热议，不少网民认为紫车司机虽守法不超速，但不懂人情世故，“完全唔明楼主你咩心态，左、中线冇车唔行，系要霸住条快线慢行，仲觉得自己啱X晒”、“他朝君体也相同，到你好赶时间嘅时候，你就会希望，条路80人哋可以真系行80，78都会嫌慢”、“十足繁忙时间顶X住扶手电梯唔畀人行𠮶啲”、“行70几不如你行返中线啦，你真系阻住地球转”。
两名Tesla司机于facebook群组“香港即时车cam L”及Threads发文发片互骂，不满对方车速慢的司机于帖文斥责，“喺尖山隧道霸住条快线行50几，出到嚟仲要举中指”。
Tesla尖山隧道霸右线 时速不足80公里
被骂的紫色车身Tesla男司机随即发文反击，指出“我想讲呢，隧道系冇快线㗎，如果你想快你可以cut双白线冇人会阻你，知你车住条女要型，但系隧道行80我系行7x，我唔觉得有咩问题”。
紫车司机报案：后车不断闪灯致头晕眼花
紫车司机不满反斥，“你就系咁闪我灯，搞到我有啲头晕眼花，唯有将车速减慢，然后你更加长按高灯，如果你威嘅不如你po返隧道里面嘅片，唔好就咁样用条女影人架车就作故仔啦，仲有你先系举中指𠮶个啊。你要型，好快你就会收到信㗎啦，Teslxx”。
紫车司机又展示于警方电子报案中心举报的截图，质疑对方涉“不小心驾驶”，“多次使用高灯频闪”、“长按大高灯一直射着我，出了隧道之后更举中指作出挑衅的行为”。
网民斥紫车司机车速慢：唔赶可以靠左行
“其实你唔赶真系可以靠左行，让返1条线畀人走”
“去左线行50都无人理你”
“楼主你话行7x，73-79都系7x……做人不可以那么自私，既然自己比较慢就不要阻碍他人呢”
“佢闪你叫你开快啲，你条XX行得慢就去返左线或中线，喺到阻头阻势觉唔觉得自己乞人憎？”
“后车边有系咁闪呀？都系闪你两下提你畀油，提你比正常慢啫”
“俾人闪两下扮头晕，玩人brake先，仲要觉得自己啱X晒，人哋错”
“其实法例上你的确唔太大问题，但系你真系好X乞人憎，揸车最X憎就系你呢啲成日霸住条右线，好似左线有鬼，快线系畀赶时间嘅人用，唔系畀你喺度慢慢揸”
“有车品嘅就唔会喺最右线但under牌嘅限速啰，惊有快相我明，我都惊，咁你都跟牌行啦最少，站得住脚人哋咪无得X你啰”
“你呢啲人真系读死书X极都唔醒，明知后面有紧急，你都唔应该拉龙（车速过慢或与前车保持过大距离）行70几啦”
“楼主你搭巴士啦，香港啲隧道咁塞车咪就俾呢啲人搞到咁”
网民斥紫车司机是隧道右线“拉龙”惯犯
“呢条友之前喺城隧快线拉龙行50-60几，慢线巴士拖头都爬咗佢头”
“终于见到佢个onX样，之前cut线唔打灯，仲要喺吐露港快线行70几拉龙”
“我认得呢条X样！虾我1个女人仔，明明我喺度等紧表位，我褪尾让架车出，佢一嘢cut埋嚟抢咗我个位，仲话啲表位唔使排队，乘客位仲有个小朋友坐咗喺度，呢啲爸爸真系不知所谓！”
若私家车车灯刺眼，司机触犯了什么法例？
根据香港法例第374G章《道路交通（交通管制）规例》第47(4)条，亮着的强制性大灯须向下斜射，另该光束无论何时都不会使该人目眩。而根据香港法例第374A章《道路交通(车辆构造及保养)规例》第90(2)条，强制性前灯发出的光束，无论何时均属低光。
否则有机会按第374章《道路交通条例》第38条被控“不小心驾驶”（任何人在道路上驾驶车辆时，如无适当的谨慎及专注，或未有合理顾及其他使用该道路的人），一经定罪，最高可被判处罚款5,000港元及监禁6个月。
驾驶者切双白线有什么刑罚？
在香港，驾驶者切双白线会被定额罚款675元及记3分。根据第374G章《道路交通(交通管制)规例》，若违反双白线道路标记规定，如属首次被定罪，可处罚款5,000港元及监禁3个月，如属第二次被定罪或随后再次被定罪，可处罚款1万港元及监禁6个月。