有片｜中秋红磡海滨玩陀螺 保安大叔指嘈吵报警 网民看情侣揽锡
中秋节不少市民都会外出赏月聚会，尽兴一番，但深夜时分记紧要留意声量，以免影响他人。有港男于网上发文发片表示，中秋节在红磡海滨玩陀螺，结果被1名大叔指责嘈吵兼报警。影片见到，被指是场地保安员、身穿白裇衫的大叔要求收起陀螺盘，带着小孩赏月的一众家长不满，当场与大叔争论。
有网民批评白衣大叔扫兴，“中秋就算啦，又唔系日日系咁”、“好心大时大节唔好出嚟扫兴，又唔系开扩音器”，另有人则就认为大叔只是执行职务，“应该都系收到居民投诉先出嚟做嘢啫，好地地唔通揾嘢嚟忙咩，佢喺里面正常又唔会嘈到佢，最多系嘈到楼上住客”。有现场目击者留言指出，该群人凌晨12时半还在玩陀螺，“周围人唔多所以其实真系好嘈”。
不少网民则“错重点”，留意到影片后方1对情侣，“焦点去咗后面对男女，你有你争论，佢有佢继续揽揽锡锡”、“后面对情侣准备紧中秋最精彩嘅节目”、“后面对情侣有如无人之境，佢哋都唔觉得嘈吵！”。
该名港男9月26日（中秋节翌日）凌晨1时许于Threads发文发片表示，“中秋节公园玩陀螺俾阿叔话嘈报埋警，超越99.9%香港人”。
中秋节红磡海滨玩陀螺 被大叔斥嘈吵兼报警
影片见到，红磡海滨有不少人聚集赏月庆祝中秋节，有一家大小设置帐篷坐下，其间1名穿白色裇衫，颈上疑挂着证件绳的大叔走近，有指他是场地保安员，当时与家长们对骂，穿灰黑色上衣男子向白衣大叔说，“你睇下人哋小姐都闹你啦，我又闹你，人哋闹你，𠮶个又闹你”。
大叔要求收起陀螺盘
其后穿黑白间条上衣男子一直与白衣大叔争论，但大叔斥：“即系点呀？即系肯定唔合作啦？”间条上衣男反问：“点样唔合作呀？大佬，我又冇玩（陀螺）。”
大叔走近正在玩陀螺的一群人，询问：“可唔可以合作啲，收咗呢个（陀螺盘）”间条上衣男向玩陀螺的年轻人说“你咪停一停唔好玩啰”，随后有女子走近要求大叔出示职员证件，影片就此完结。
网民：中秋节都要搞到人哋扫兴
“人哋中秋节梗系咁玩㗎，都要搞到人哋扫兴”
“大时大节就唔好咁老土啦”
“又唔系煲蜡，又唔系播啲劲嘈嘅歌”
“陀螺的声音有多大声，有些人说话的声量还大声又唔见出声”
“屋企玩又惊嘈到楼上楼下，香港岛好多深夜陀螺战士，已经要去到海边玩！”
“㖊日我喺启德玩陀螺，都有个阿叔话我嘈，兜嘢踩落我个盘度烂咗，佢话因为嘈住佢，𠮶阵时6点几晏昼”
陀螺玩家：有啲人对战过程会大声叫嚣
陀螺玩家对事件有不同意见：“其实个场地无标明限制唔畀玩陀螺，佢就无得唔畀人玩。而嘈呢方面，过咗夜晚10点，啲人仲系大声讲嘢叫嚣嘅，真系会嘈到住附近嘅人。其实好多人话玩陀螺唔系好嘈，但佢哋忽略咗陀螺碰撞本身真系唔嘈，但系佢哋因为个对战过程好兴奋有趣而大声叫嚣就系好X嘈嘅事。我自己都有玩陀螺，但见好多人一玩就大癫大叫咁，佢哋都唔会知自己好嘈同骚扰到其他人”
有人则认为深夜玩陀螺亦应有节制：“保安系打工，就算佢想只眼开只眼闭都冇办法㗎，有住客投诉佢就系要处理，我觉得夜晚例如打麻雀之类最嘈唔系麻雀佢本身，而系你玩玩下会兴奋大叫”。
网民错重点：后面情侣情绪好高涨
虽然影片是想拍摄白衣大叔制止现场人士玩陀螺的情况，但后方却有一对情侣入镜，见到2人眼中只有对方，无视争执坐在石壆上揽锡，十分甜蜜，画面令不少网民“错重点”地注视着：“隔住个mon都觉得后面情侣情绪好高涨”、“奔紧月啊，唔好阻住人啦”、“佢哋点忍住唔食花生”。
目击者：12点半仲玩紧，太嘈顶唔顺走咗
有现场目击者指出，“㖊日喺现场，想讲其实已经凌晨，周围人唔多所以其实真系好嘈（主要系会成日突然一下好刺耳咁），起码12点半仲玩紧，之后唔知，太嘈顶唔顺走咗”。有网民回应说，“凌晨又真系唔系几好，班大人带住细路都咁样”、“地方空旷真系好应声，屋企对住个公园，知道咩情况”。
楼主回复网民留言时讲述事件后续，“最尾差佬嚟咗查个看更身份证，之后陀螺盘主人都要返归就散咗水，阿叔就揾下家叫唔好嘈”。
香港法例下，发出扰民噪音有什么罚则？
不少市民误以为在海滨长廊等户外开阔空间通宵玩乐亦“无人管”，但根据香港法例第400章《噪音管制条例》第4（1）条“夜间或公众假日的噪音”，任何人于下午11时至翌日上午7时，或于公众假日的任何时间，在住用处所或公众地方发出或促使发出噪音，而该噪音对任何人而言是其烦扰的根源，即属犯罪，可处第3级罚款（1万港元）。