苏永康遭投诉曾涉毒10月个唱取消 罗金荣不满：都过咗咁多年嘅事
撰文： 吴子生
出版：更新：
《中年好声音》罗金荣今日（16/9）于尖沙咀举行“罗金荣•第1次自己话是演唱会2025”记者招待会，喜获好友黄子华现身支持之外，亦有多位圈中好友拍片支持，包括有苏永康、林志美及组合农夫的陆永权（陆永）、郑诗君（C君）等人。
提到好友苏永康10月内地个唱，遭网民投诉曾涉毒要求停办，售票平台已下架演出。罗金荣接受《香港01》访问时表示：“我觉得取消咗个演唱会系好可惜。其实呢啲嘢都过咗咁多年嘅事，我觉得唔需要再提。同埋大家有睇Big Four嘅演唱会，康仔把声系好好，状态好好，我听到系国际嘅水平，系好高质素。”
罗金荣又指歌迷能再次欣赏苏永康歌声这个美好时刻，竟遭别有用心人再旧事重提，令到演唱会被取消感不满：“呢个世界系有太多呢啲Haters，令到一件原本系好好嘅事，令到大家有集体嘅回忆，一下就冇咗，我希望唔好再有呢啲咁负面嘅事情发生。（会否慰问对方？）我尝试吓啦，但又唔想打扰到佢，但我喺呢度会撑佢。”