幸好及时发现，未有将骨吞下！有女生于网上发文指出，她于大埔超级城1间日式餐厅点了三文鱼寿司及吞拿鱼蓉丼外卖，却发现寿司有两条长骨，吞拿鱼蓉亦藏有粗骨。女生申请退款被拒，与餐厅厨师电话理论，但厨师坚称“我哋检查过所有吞拿鱼，根本都唔会可能有，骨就一定唔会有喺入边”。

女生不满要求该餐厅给予解释，“你大埔分店嘅师傅话我屈X佢，觉得我系为咗想攞个全单退款$164.8而诬蔑佢，变3条鱼骨出嚟呃退款！”，又问网民手上证物可如何处理。《香港01》已就事件向涉事餐厅查询，正等候回复。

该女生于Threads发文表示，她3月23日晚上7时半用Keeta点了大埔超级城1间日式餐厅的三文鱼寿司及吞拿鱼蓉丼外卖，吃第一件寿司时发现内有1条长骨，她立即申请退款16.8元，“因为我冇谂过之后嘅三文鱼都会有骨，所以净系拣咗部份退款”。

外卖寿司及丼饭吃出3条鱼骨

女生指出，她紧接吃到第四件寿司时，又有1条骨，“然后开吞拿鱼蓉丼食，食第二啖居然有条粗骨，上面系连住啲吞拿鱼蓉”，直言“食到呢度我已经唔想再食，我直接喺Keeta申请全单退款，我惊哽死自己”。

餐厅拒退款　女生不满：暗示我讲大话？

惟餐厅拒绝退款，女生与餐厅厨师电话理论，“师傅表示绝无可能，系绝无可能，不接受退款”，“佢表示我做咁多嘢纯粹都系想攞退款啫，佢话佢有检查晒所有食材冇骨先出货”。

女生怒斥，“咁问题嚟啦，而家系暗示我讲大话？咁我眼前嘅鱼骨系乜X？买条鱼返嚟特登影落去？咁吞拿鱼蓉骨又点解释？我生平未试过食嘢食到有异物，仲要谂办法证明自己冇讲大话”。

餐厅厨师：检查过唔可能有骨

女生录了1段与餐厅厨师的对话，厨师指“吞拿鱼正常唔会有骨喺入边”，女生反问为什么她的外卖中有鱼骨，厨师说“我都唔系好清楚点解你会发现到有骨”。女生不满被诬蔑，爆粗要求给予解释，厨师说“唔好讲屈唔屈先，我哋检查过所有吞拿鱼，根本都唔会可能有，骨就一定唔会有喺入边”。

女生于帖文狠批，“师傅话吞拿鱼呢正常唔会有骨喺入面，你都知正常唔会有？咁而家有系咪唔正常呀？仲要串我都系为咗退钱啫仲想点，你退钱畀我系应该㗎，乜X嘢态度”。

网民斥：摆明㓥鱼挑骨挑唔干净

有网民留言表示，“咁癫，唔通嗌外卖都要拍开箱”，女生回复“你唔好话，佢真系搞到我要拍开箱，𠮶3条鱼骨之后谂住食埋第二盒吞拿鱼蓉，10分幸运地冇骨，不过就变晒色（意即不新鲜）啰，师傅可能会话我屈佢换咗啲吞拿鱼蓉入去”。

另有网民批评厨师，“黐X线，乜嘢叫正常唔会有骨？条友有语癌？即系鱼本身系软体生物，喺海入边无骨嘅？而家摆明㓥鱼挑骨挑唔干净啦，唔知佢即场餐厅㓥定系叫货啦，都唔会关个客事，点会赖返落个客到，个客问你点解有骨，你问返个客点解揾到有骨，唔讲以为睇紧《逃学威龙》”、“正常系有骨，但鱼蓉就系要去骨，唔系我叫鱼蓉嘅定义系乜？佢都傻嘅，佢自己挑唔好畀咗人仲要话人，唔通我为咗百几蚊整旧鱼骨屈佢咩，作为1个厨师应有嘅态度佢都冇”。

有网民猜测，“因为拖罗蓉好大机会佢都系用急冻货，正常真系唔会有骨，所以佢先咁肯定，但如果真系喺兜饭出现，咁就唔排除啲骨黐咗喺其他地方捞埋咗”。

（Threads@ihufovr898）