中环置地广塲两𩠌饭售75元 打工仔排长龙 男子震惊感不值惹热议
以中环物价来说，大家又是否觉得“抵食”？有男子近日午膳时间于中环置地广塲见到1间两𩠌饭店大排长龙，惊讶本被称为“平民恩物”的两𩠌饭于该店售75元，即使价格高昂仍大受打工仔欢迎，他拍下照片及影片于网上分享并发表评论，觉得性价比不高，“两𩠌饭本来唔系平民恩物嚟嘅咩？”，帖文随即引来网民热议。
网民指出，“证明你未试过喺中环返工”、“当周围都$100up嘅时候，$75就系性价比”、“置地食$75蚊你应该偷笑啦，仲要好食㗎㖞”、“净系睇数字而唔睇质素/地方”、“人哋交几钱租呀？唔系善堂呀”、“东涌茶记食个颓饭都$70-80起表，中环算什么”。
该男子于Threads发文表示，“究竟呢个世界发生咩事？两𩠌饭本来唔系平民恩物嚟嘅咩？点解要成$75，仲要大排长龙！咩玩法？就算我负担得起个价钱，都负担唔起个时间”。
中环两𩠌饭售75元 打工仔排长龙
影片见到，该两𩠌饭店位于中环置地广塲，约40名打工仔排队等候买饭，形成长长人龙。照片见到，该店有8款𩠌菜可供选择，包括猪扒、蒸蛋、蔬菜等，另该店有售寿司、长通粉及各款沙律。
网民：75元两𩠌饭于中环性价比高
“以前返中环，有同事买两𩠌饭话7x蚊，大家都惊叫好抵”
“望落干净企理$75其实都唔系好贵”
“商场啲两𩠌同街市啲两𩠌点同啊”
“呢间Landmark恩物，话佢贵你真系未试过返中环，$100一个lunch只系平均”
“佢好食㖞，中环$75个lunch算咩呀？”
“中环两𩠌饭最少屹立10几年了，好食㗎”
“佢哋咁多年都冇加价啦，算系咁”
“我觉得平𠻹，75蚊有咁嘅standard，点都好过你畀$50𠮶啲喇，唔排呢度排边度”
“10年前金钟返工，稍为食好少少咁多，有位坐有嘢饮都要成嚿水”
“如果有质素又有性价比，都唔介意畀贵少少食好啲，香港人好多时唔系畀唔起钱，系觉得啲嘢值唔值呢个价啫”
网民：下雨天致排长龙商场内买饭
“每逢落雨呢度一向都大排长龙”
“因为中环区今日lunch time落雨，就会特别多人买外卖，同埋呢度landmark呀大佬”
网民讨论中环内街有平价选择或带饭返工
“中环入返内街大把平价选择，呢啲系方便啲社畜9秒9返上去office咬住嚿饭继续做嘢”
“我试过返中环写字楼，所以日日都带饭，出去吃要行老远，要老排（排长龙），先有得吃，兼好很贵！我是模拟想像这个情景的，所以带饭，食饱就嚟一个小休，爽”
“带饭有条件：要有时间煮，又要公司有得叮，公司可以畀你喺位食”
“同埋要有几部microwave，得1部等到放工都未到你”